Fylgi Pírata dregst saman
Setja bókamerki
Fylgi Pírata hefur minnkað töluvert samkvæmt niðurstöðum nýrrar skoðanakönnunar MMR, eða um 7,8 prósentustig, frá því fyrir mánuði síðan. Fylgi Sjálfstæðisflokksins hefur á sama tíma aukist um 5,3 prósentustig.
Píratar eru þó enn með mest fylgi samkvæmt könnuninni eða 28,9% sem er rúmu einu prósentustigi meira en fylgi Sjálfstæðisflokksins sem er 27,8%. Munurinn á milli er ekki marktækur samkvæmt fréttatilkynningu frá MMR.
Fylgi Vinstrihreyfingarinnar - græns framboðs hefur einnig aukist samkvæmt skoðanakönnuninni. Fylgi flokksins er nú um 5 prósentustigum meira en síðast og stendur í 14%.
Fylgi Framsóknarflokksins er 11,2% og hefur aukist um 2,5 prósentustig. Samfylkingin er með 9,7% og lækkar um 0,2 prósentustig og fylgi Bjartrar framtíðar er 3,6% og lækkar um 2,6 prósentustig.
Fyrr í mánuðinum voru birtar niðurstöður skoðanakönnunar Gallup þar sem Píratar mældust með 26,6% fylgi og hafði fylgi þeirra minnkað um 9 prósentustig frá fyrri könnun. Fylgi Sjálfstæðisflokksins mældist hins vegar 27% og hafði aukist um umtalsvert.
Kvikan virðist nú skiptast til helminga
Fjárfestingin 115 milljarðar króna
Innviðir þandir og álagið „gríðarlegt“
Ekki byggt í takt við áform sveitarfélaga
Bjarkey stendur við skammarbréf Svandísar
Segjast hafa skotið niður langdræga sprengjuvél
Markaðurinn hitnar og leiguverð hækkar hratt