RÚV birti í kvöld myndband af líkamsárás á unglingsstúlku sem átti sér stað um kvöldmatarleytið á þriðjudagskvöld. Að því er fram kom í sjónvarpsfréttum hefur myndbandinu verið dreift á samfélagsmiðlum, en RÚV fékk samþykki föður stúlkunnar fyrir birtingu þess.

Frétt mbl.is: Réðust á stúlku við Langholtsskóla

Samkvæmt RÚV bar árásina að með þeim hætti að stúlkan, sem fluttist úr Langholtsskóla í Austurbæjarskóla um áramótin, fékk skilaboð þar sem hún var spurð að því hvar hún væri stödd, en stuttu síðar komu þangað fjórar unglingsstúlkur og ráðist var á stúlkuna.

Á myndbandinu sést hvernig stúlkan sem varð fyrir árásinni gefur frá sér sársaukahljóð á meðan sparkað er í hana, en undir lokin heyrist einhver segja „komum, þetta er nóg“.

RÚV hefur eftir föður stúlkunnar að hún hafi þolað mikið einelti í Austurbæjarskóla en fundur með skólastjóra og námsráðgjafa hefði ekki borið árangur. Hann gagnrýnir úrræðaleysi.

Árásin var kærð til lögreglu í gær og hefur RÚV eftir Benedikt Lund lögreglufulltrúa að um sé að ræða ljótt eineltismál sem sé í algjörum forgangi hjá lögreglu. Aðeins ein stúlknanna fjögurra er sakhæf, að sögn Benedikts.

Tengdar fréttir

Einelti

Skýrari umgjörð um eineltismál

• Eftirminnilegustu hárgreiðslurnar á EM
• Endurskoði verkferla í eineltismálum
• Aðilar málsins fyrst og fremst börn
• Fari yfir verkferla vegna eineltis

» Fleiri tengdar fréttir

• Blogga um frétt