Vann 2 milljarða í Eurojackpot

Stálheppinn miðahafi vann 2 milljarða í Eurojackpot-úrdrætti kvöldsins. Miðinn var keyptur í Þýskalandi, og sömuleiðis miðar þeirra þriggja sem deildu með sér öðrum vinning. Fær hver þeirra 49 milljónir í sinn hlut.

Sjö hlutu þriðja vinning og fá rúmar 7 milljónir á mann en þrír miðanna voru keyptir í Þýskalandi og hinir fjórir í Svíþjóð, Hollandi, Króatíu og Slóveníu.

Einn var með fjórar tölur réttar í réttri röð í Jóker og hlýtur sá 100.000 krónur í vinning. Miðinn var keyptur á N1 Ártúnshöfða.

Eurojackpot-tölur kvöldsins voru: 12-24-38-45-46 og stjörnutölurnar 6-10.

Jókertölur kvöldsins voru: 4-0-7-2-7.

• Blogga um frétt