Alríkisdómari hefur úrskurðað að fólk sem óskar eftir því að bera skotvopn innanklæða í Washington, höfuðborg Bandaríkjanna, þarf ekki lengur að sýna fram á góða og gilda ástæðu til þess.
Dómarinn úrskurðaði að það brjóti líklega í bága við stjórnarskrána að þurfa að sýna fram á góða og gilda ástæðu fyrir því að mega bera skotvopn innanklæða.
Dómurinn er sigur fyrir þá sem berjast fyrir réttindum byssueigenda í Bandaríkjunum og vilja að reglur um byssueign í nafni sjálfsvarnar verði rýmri.
Lög til að geyma byssur innanklæða hafa verið einna ströngust í Washington af öðrum stöðum í Bandaríkjunum og hafa byssueigendur þurft að réttlæta þörf sína til að ganga með byssu á almannafæri.
Samtök byssueigenda hafa í mörg ár barist fyrir því að breyting verði gerð á lögunum.