Erlend ferðakona sem lenti í sjálfheldu í urðinni í Reynisfjöru rétt fyrir austan drangana er komin niður á jafnsléttu með aðstoð björgunarmanna. Björgunarsveitin Víkverji frá Vík í Mýrdal var kölluð út rétt fyrir klukkan þrjú til að aðstoða hana niður.
Erfitt var að komast að konunni og nokkuð klettaklifur þurfti til, en þrír björgunarmenn komust til hennar. Nokkra línuvinnu þurfti til að koma henni niður og erfitt var fyrir björgunarmenn að athafna sig í brattri skriðunni þar sem hún var stödd.
Frétt mbl.is: Erlend ferðakona í sjálfheldu