Helmingi færri kennarar eftir 30 ár

Líklegt er að mikill skortur verði á grunnskólakennurum eftir fimmtán ár ef ekkert verður að gert. Eftir þrjátíu ár verður fjöldi réttindakennara helmingi minni frá því sem nú er. Þetta kemur fram í niðurstöðum Helga Eiríks Eyjólfsson meistaranema og Stefáns Hrafns Jónssonar, prófessors við Háskóla Íslands.

Niðurstöðurnar kynntu þeir á ráðstefnu um íslenska þjóðfélagsfræði á Akureyri, að því er kom fram í Fréttablaðinu.

Rannsóknin fjallar um samsetningu grunnskólakennara  á Íslandi. Athugað var hvernig þróun stéttarinnar yrði á næstu árum og áratugum.

Árið 2031 verða grunnskólakennarar líklega 6.880 talsins en árið 2051, tuttugu árum síðar, verða þeir aðeins 3.689, ef ekkert verður að gert.

• Blogga um frétt