Vegagerðin ætlar að takmarka aðgang að áningarstaðnum í Hrútey í Mjóafirði í Ísafjarðardjúpi og loka honum yfir varptíma æðarfugls.
Verið er að útbúa skilti og annað sem þarf til að loka áningarstaðnum og verður honum lokað út júní. Annar áningarstaður er landmegin við brúna milli Hrúteyjar og lands.
Reynir Bergsveinsson, æðarbóndi í Hrútey, sendi lögreglustjóranum á Vestfjörðum nýverið kæru vegna áningarstaðarins og truflunar af honum á fuglalífið.