Kona kom á Náttúrustofu Vestfjarða í dag með smyril sem hún hafði náð úr kjaftinum á hundinum sínum. Fuglinn virtist vera aðeins skaddaður á væng en hafði góða lyst þegar honum var boðið kjöt í hádeginu.
Í færslu á Facebook-síðu Náttúrustofu Vestfjarða segir að líklega hafi smyrillinn verið skaddaður á vængnum áður en hundurinn náði í hann og var það ef til vill ástæðan fyrir því að hundurinn náði honum.
Hér má sjá smyrilinn gæða sér á kjötinu.