Boðaður til starfa á ný
Setja bókamerki
Lögreglumaðurinn sem vikið var úr starfi vegna rannsóknar héraðssaksóknara á máli hans hefur verið boðaður til starfa á ný.
Þetta kemur fram í tilkynningu sem lögreglan á höfuðborgarsvæðinu sendi frá sér. Þar segir að mál embættis héraðssaksóknara gegn starfsmanni embættis lögreglustjórans á höfuðborgarsvæðinu hafi verið fellt niður.
„Að mati héraðssaksóknara hefur ítarleg rannsókn á meintum brotum umrædds starfsmanns ekkert leitt í ljós sem renni stoðum undir það að hann hafi með einhverjum hætti gerst brotlegur í starfi. Embættið fagnar niðurstöðu málsins og hefur starfsmaðurinn þegar verið boðaður aftur til starfa,“ segir í tilkynningunni.
Lögreglumaðurinn var leystur frá störfum um miðjan janúarmánuð vegna málsins, en hann hafði áður verið fluttur til í starfi innan lögreglunnar vegna ásakana um hvernig samskiptum hans við brotamenn væri háttað.
Fréttir mbl.is um málið:
Lögreglustjóri brást of hart við
Niðurstaðan líklega ekki véfengd
Mál gegn lögreglumanni fellt niður
Ný staða uppi og óvissan meiri
Færa slökkviliðið til nútímans
29 nautgripir fundust dauðir
„Búið að vera í dreifingu í einhvern tíma“
Segjast ekki vera á kaldri slóð
Nauðgaði kærustu sinni og tók það upp
Myndskeið: Segjast hafa skotið niður sprengjuflugvél