Öll liðin sem tóku þátt í WOW Cyclothon-keppninni eru komin í mark við Krísuvíkurveg en síðustu lið komu til Reykjavíkur í kvöld, þar á meðal DeCode XX og Marel heppnis. Einn keppandi, Hafliði Richard Jónsson, er enn á ferðinni í einstaklingskeppninni, en hann hjólar nú undir Eyjafjöllum.
Rúmlega 10,6 milljónir króna hafa nú safnast í áheitasöfnun keppninnar.
Lið Olís-HFR fór með sigur af hólmi í B-flokknum, þar sem tíu keppendur eru í hverju liði, Park Inn by Radison sigraði í A-flokknum, þar sem aðeins fjórir eru í hverju liði, og þá vann Eiríkur Ingi Jóhannsson einstaklingskeppnina.
Hér má skoða tíma allra liða og einstaklinga í keppninni