„Það gengur ekkert allt of vel,“ segir Sigurjón Jónasson, formaður Félags íslenskra flugumferðarstjóra, í samtali við mbl.is en fundað var í kjaradeilu flugumferðarstjóra við Isavia í dag í húsakynnum ríkissáttasemjara. Fundurinn hófst klukkan 13:00 í dag og lauk upp úr klukkan 17:00. Sigurjón segir aðspurður fundinn hafa skilað litlum árangri.

Boðað hefur verið til fundar aftur á föstudaginn en semja verður í síðasta lagi þann dag. Að öðrum kosti fer kjaradeilan í gerðardóm samkvæmt lögum sem Alþingi setti á deiluna fyrr í þessum mánuði. „Við sjáum hvort við náum einhverri lendingu þá. Ég er ekkert allt of bjartsýnn en vonandi náum við saman á föstudaginn. Eins og staðan er núna virðist sem þetta gæti farið í gerðardóm.“

Tengdar fréttir

Kjaradeilur í fluggeiranum

Segja Bláfugl og SA brjóta á kjarasamningum

• Erfiðir samningar en ánægður með báða aðila
• Vinnustöðvun flugumferðarstjóra aflýst
• Enn stefnir í vinnustöðvun á þriðjudaginn
• Boðað til sáttafundar á morgun

» Fleiri tengdar fréttir

• Blogga um frétt