Forseti Íslands, Ólafur Ragnar Grímsson, og Dorrit Moussaieff forsetafrú verða á meðal áhorfenda á leik Íslands og Englands í Nice á mánudagskvöld, samkvæmt upplýsingum frá skrifstofu forseta Íslands.
Ólafur var einnig viðstaddur jafnteflisleik Íslands og Portúgals í Saint-Étienne í síðustu viku. Að þeim leik loknum heilsaði hann upp á leikmenn íslenska liðsins og óskaði þeim og þjálfurum til hamingju með úrslitin.