Icelandair mun bjóða upp á beint flug á landsleik Íslands og Englands á EM 2016. Boeing 757 þotu-Icelandair verður flogið til Nice í Frakklandi síðdegis sunnudaginn 26. júní og til baka frá Nice snemma morguns þriðjudaginn 28. júní.

Þetta kemur fram í tilkynningu frá Icelandair.

„Laus sæti í fluginu verða einungis til sölu á vef Icelandair og verður opnað fyrir söluna kl. 14.30 í dag. Flugið fram og til baka kostar kr. 115.000 með sköttum og gjöldum inniföldum. Brottför frá Keflavíkurflugvelli verður kl. 16:30 á sunnudaginn og brottför frá Nice verður að leik loknum klukkan 06:15 og lent á Keflavíkurflugvelli kl. 08:00 að morgni þriðjudags 28. júní.

Einungis er um flug fram og til baka að ræða og rétt að taka sérstaklega fram að miðar á leikinn eru ekki í boði,“ segir enn fremur.

Tengdar fréttir

EM 2016 í fótbolta

Danir slógu Evrópumeistarana úr leik

• Landsliðið tilnefnt til verðlauna – almenningur kýs
• Enska liðið mætti með smá hroka
• Þakklát fyrir boðið til Íslands
• Notkun gagnamagns jókst um 600%

» Fleiri tengdar fréttir

• Blogga um frétt