Björgunarsveitafólk var að störfum í alla nótt á Akureyri og í nágrenni við leit að Héðni Garðarssyni en án árangurs. Engar vísbendingar hafa borist um ferðir hans eftir kl. 9 í gærmorgun.
Hlé hefur verið gert á leitinni og er verið að meta stöðuna. Að sögn lögreglu er í raun allt landið undir í leitinni þar sem ekkert er vitað um ferðir hans eftir að hann fór frá heimili sínu í gær.
Vitað er að Héðinn fór á bifreiðinni TH-979, sem er rauð Suzuki Grand Vitara, árgerð 2000 með svartar felgur. Talið er að hann sé klæddur í gráar vinnubuxur, hvítan stuttermabol og í svartri renndri hettupeysu.
Þeir sem geta veitt upplýsingar um ferðir Héðins eru vinsamlegast beðnir að hafa samband við lögregluna til dæmis í gegnum einkaskilaboð á Facebook-síðu lögreglunnar á Norðurlandi eystra eða í síma 444-2805.
Sjái fólk bifreiðina, kyrrstæða eða á ferð, skal hringja strax í 112.
Frétt mbl.is: Lögregla leitar Héðins
Uppfært 22:37