„Ég var nú bara á leið heim frá Amsterdam og varð litið á þessa tvo takka þar sem stóð ENG 1 og ENG 2. Takkarnir tákna hreyfil 1 og 2. Það var eitthvað svo borðleggjandi að breyta þarna ENG í ISL,“ segir Vignir Örn Guðnason, flugstjóri hjá WOW air, sem birti meðfylgjandi mynd í dag.
„Þetta einhvern veginn kom til mín í einhverju gríni,“ segir Vignir sem fylgdist spenntur með gangi mála í kvöld.
„Ég var mjög spenntur. Ég var svo sem ekkert að spá í þennan spádóm, ef spádóm mætti kalla. Ég var nú spenntastur yfir úrslitunum. Ég hef nú ekki lagt það í vana minn að veðja, en það er gaman að þessu, gaman að hafa tippað á rétt úrslit,“ segir Vignir.