Sendu mikið magn rakvélablaða úr landi
Setja bókamerki
Mennirnir tveir, sem grunaðir eru um umfangsmikinn þjófnað hér á landi, sendu mikið magn rakvélablaða úr landi með pósti. Lögreglu hefur tekist að hafa uppi á nokkrum sendingum en blöðin sem hafa skilað sér eru margra milljóna króna virði.
Annar mannanna er eftirlýstur í Kanada fyrir stórfelldan þjófnað en þeir eru báðir frá Evrópu.
Mennirnir voru handteknir í byrjun þessa mánaðar. Í kjölfarið gerði lögregla húsleit í húsnæði sem mennirnir höfðu til umráða og fannst þar mikið magn af þýfi. Til að byrja með voru þeir í einangrun en núna sæta þeir síbrotagæslu á Litla-Hrauni.
Í sendingunum var ekki aðeins að finna rakvélablöð, heldur nokkuð magn af skartgripum. Samkvæmt upplýsingum frá lögreglu er ljóst að þeir hafa stolið fleiri skartgripum en mögulega tekist að koma þeim úr landi.
Rannsókn málsins stendur enn yfir og ekki liggur fyrir hvenær henni mun ljúka.
„Það þarf að vinna mikinn fjölda upp“
„Hvílir mikil leynd yfir þessu öllu“
Tveir í bílnum sem lenti utan vegar
Vona að Orkustofnun veiti ekki virkjunarleyfi
Handtekin eftir að tvö börn fundust látin
Árshátíð ríkislögreglustjóra haldin í Tékklandi
Veiting hvalveiðileyfis ekki brot á EES-samningi
Vélsleðaslys: Þyrlan kölluð út á mesta forgangi