Ólafur Ragnar Grímsson, fráfarandi forseti, og Lars Lagerbäck, þjálfari karlalandsliðsins í fótbolta, fengu nokkur atkvæði í nýafstöðnum forsetakosningum. Það ógilti að sjálfsögðu kjörseðilinn að skrifa nafn þeirra á hann en kjósendum virtist vera sama, þeir komu skoðunum sínum á því hver ætti að gegna embætti forseta Íslands á framfæri.

Hátt í þúsund kjörseðlar voru dæmdir ógildir í forsetakosningunum og oftast var það út af einhverju kroti á þá, að því er fram kemur í umfjöllun um mál þetta í Morgunblaðinu í dag.

Í Reykjavíkurkjördæmi suður fékk Lars Lagerbäck allt að tíu atkvæði og nokkuð mikið var um það á ógildu seðlunum að kjósendur væru að merkja við sinn frambjóðanda og strika um leið yfir eitt eða fleiri nöfn annarra frambjóðanda. Tvær til þrjár illa kveðnar vísur slæddust í kjörkassana í Suðurkjördæmi. Algengustu teikningarnar á kjörseðlunum voru blóm, broskarlar, hjörtu og kórónur. ÍNorðausturkjördæmi var ritað á nokkra seðla: „Það á að leggja þetta embætti niður“.

Tengdar fréttir

Forsetakosningar 2016

„Kom aldrei til greina að gera lag“

• Eldra fólkið kýs frekar
• Framboð Davíðs kostaði 27,7 milljónir
• Framboð Guðna kostaði 25 milljónir
• Fyrsta heimsóknin hafin

» Fleiri tengdar fréttir