Þeir sem skráðir eru á tölvupóstlista hjá ferðaskrifstofum hafa líklega tekið eftir fjölda auglýsinga á sólarlandaferðum á undanförnum dögum. Ýmsir áfangastaðir voru auglýstir með skömmum fyrirvara í kringum leik Íslands og Englands.
Bókanir í júní hafa staðið í stað þrátt fyrir væntingar um vöxt milli ára og á síðustu dögum hafa ferðatilboð hrannast upp í tölvupósthólfum.
Í umfjöllun um ferðatilboð þessi í Morgunblaðinu í dag segir, að leiða megi líkur að því að margir bíði með bókanir þangað til endanleg staða landsliðsins sé ljós og að sumir afbóki sólarlandaferðina til að fara til Frakklands.