Eskimo travel hefur leigt flugvél til að ferja Íslendinga til Parísar fyrir leikinn gegn Frökkum á sunnudag. Flogið verður út snemma á sunnudagsmorgni og heim aftur síðdegis á mánudag.
Daníel Kristjánsson, verkefnastjóri Eskimo travel, segir fyrirtækið hafa leigt til fararinnar vél sem taki 133 farþega. Vilji fyrirtækið hjálpa til við að koma sem flestum Íslendingum út á því verði sem leiguflugfélagið býður. „Það er skemmtilegra að fleiri komist og við viljum bara sjá sem flesta Íslendinga úti.“
Ferðin er komin í sölu og má nálgast frekari upplýsingar á vefsíðu Eskimo travel.