„Þessa dagana gengur allt út á EM og þjóðin slítur varla gangstéttum eða götum því það snertir enginn jörðina. Það þarf enga síður að standa vel að þessu og skoða málið vel áður en við tökum ákvarðanir,“ segir Dagur B. Eggertsson, borgarstjóri Reykjavíkur, spurður um hvort til standi að gera endurbætur eða stækka Laugardalsvöll.

Hann segir borginni hafa borist erindi frá KSÍ fyrir nokkrum vikum um ástand vallarins og tekið hafi verið jákvætt í það. Nú er verið að skoða skipulags- og fjárhagsþáttinn ásamt öðrum málum í sérstökum starfshópum hjá borginni. Þá er þýskt ráðgjafafyrirtæki að gera hagkvæmilega athugun á stækkun vallarins en niðurstaðan í þeirri athugun á að liggja fyrir í ágúst. 

„Við erum að skoða þetta með jákvæðum huga en það er ekki búið að botna málið enn þannig það er ekki hægt að segja meira á þessu stigi,“ segir Dagur að lokum.

Ástand Laugardalsvallar hefur verið talsvert í umræðunni undanfarna mánuði en í janúar sagði Heimir Hallgrímsson, annar landsliðsþjálfari íslenska karlalandsliðsins í knattspyrnu aðstöðuna á vellinum til skammar.

Frétt mbl.is - Laugardalsvöllur til skammar

Laugardalsvöllur eins og hann er nú. Ljósmynd/KSÍ

Tengdar fréttir

EM 2016 í fótbolta

Danir slógu Evrópumeistarana úr leik

• Landsliðið tilnefnt til verðlauna – almenningur kýs
• Enska liðið mætti með smá hroka
• Þakklát fyrir boðið til Íslands
• Notkun gagnamagns jókst um 600%

» Fleiri tengdar fréttir

• Blogga um frétt