Bygging víkingaþorps gæti hafist í vetur á Langahrygg í Mosfellsdal en þar er stefnt á að reisa þorp í landnámsstíl.
„Þetta er búið að taka talsvert lengri tíma en það átti að gera en staðan er sú núna að þetta er í skipulagsferli hjá Mosfellsbæ,“ segir Hallgrímur Hólmsteinsson, stjórnarmaður í Stórsögu ehf., sem stendur á bakvið framkvæmdina.
Víkingaþorpið hefur verið lengi í skipulagsferli „Upprunalega átti verkefnið að vera á Þingvöllum, síðan fengum við lóð á Laugarvatni. Sumum fjárfestum hugnaðist ekki að hafa reksturinn á Laugarvatni og því fórum við að leita að nýjum stað og þá var okkur boðið land í Mosfellsdal og við erum nú búnir að vera að vinna að þessu í samstarfi við Mosfellsbæ á annað ár,“ segir Hallgrímur í fréttaskýring um þessi áform í Morgunblaðinu í dag.