„Ég sá þetta og þetta líð ég ekki. Þetta líðum við ekki sem þjóðfélag. Svo einfalt er það,“ segir Aron Einar Gunnarsson, fyrirliði íslenska landsliðsins í knattspyrnu, um notkun danska stjórnmálaflokksins Danskernes Parti á mynd af honum þar sem settar eru fram dylgjur um franska landsliðið.

Knattspyrnusamband Íslands sendi frá sér tilkynningu í gær þar sem myndbirtingin er hörmuð. 

Sjá frétt mbl.is: KSÍ harmar haturskenndan áróður

„Knattspyrnan er sameiningarafl. Þar sameinast stuðningsmenn af ólíku þjóðerni og uppruna. Sameiginlegur áhugi stórs hluta mannkyns á þessari íþrótt sem okkur þykir svo vænt um færir fólk nær hvert öðru og við notum íþróttina markvisst til að færa fólk saman, en ekki til að stía því í sundur,“ segir meðal annars í yfirlýsingunni. 

„Ég er ekki ánægður með að fólk sé að nota mynd af mér í svona. Þetta líðum við ekki sem Íslendingar. Það er alveg á hreinu. Svona erum við ekki,“ bætir Aron Einar við, en hann er nú í sumarfríi eftir stórkostlega frammistöðu á Evrópumótinu í knattspyrnu þar sem íslenska liðið komst í 8-liða úrslit. 

Tengdar fréttir

EM 2016 í fótbolta

Danir slógu Evrópumeistarana úr leik

• Landsliðið tilnefnt til verðlauna – almenningur kýs
• Enska liðið mætti með smá hroka
• Þakklát fyrir boðið til Íslands
• Notkun gagnamagns jókst um 600%

» Fleiri tengdar fréttir

• 1 blogg um fréttina

Bloggað um fréttina

• Jóhann Elíasson: DAPURLEGT AÐ VERÐA VITNI AÐ SVONA LÖGUÐU NÚ Á TÍMUM