Einn Íslendingur hefur hafið keppni á heimsleikunum í crossfit, sem hófust í Carson í Kaliforníu í dag. Haraldur Holgersson úr Crossfit XY keppti í fyrstu keppnislotu í unglingaflokki 16-17 ára, en hann er fyrstur Íslendinga til að keppa í unglingaflokki á heimsleikum.

Haraldur stóð sig vel og er í 5. sæti eftir keppni í fyrstu þrautabrautinni, sem innihélt m.a. magaæfingar, svokallað tvöfalt sipp, kaðlaklifur og réttstöðulyftur. Hann mun keppa aftur síðar í kvöld, klukkan 21:40 á íslenskum tíma.

Annar Íslendingur keppir á þessum fyrsta keppnisdegi heimsleikanna, en Hilmar Þór Harðarson úr Crossfit sport er við það að hefja keppni í svokölluðum Masters Men-flokki, 55-59 ára. Hann mun keppa aftur klukkan 23:20 að íslenskum tíma, en hægt er að fylgjast með leikunum á heimasíðu þeirra, sem finna má hér.  

Tengdar fréttir

Crossfit

Katrín Tanja brast í grát (myndskeið)

• Katrín Tanja á heimsleikana
• Breki keppir á heimsleikunum
• Sólveig og Halldór eru nýtt par
• Klaufaleg mistök í Madríd

» Fleiri tengdar fréttir

• Blogga um frétt