Nokkru þyngra hefur reynst að ráða í störf grunnskólakennara og leiðbeinenda fyrir skólasetningu grunnskólanna í haust, en á undanförnum árum.
Í skriflegu svari frá Reykjavíkurborg segir að atvinnuástandið í landinu hafi þau áhrif að færri umsóknir berist.
Á annan tug grunnskólakennarastaðna eru nú auglýstar á vef borgarinnar, en umsóknarfrestur er ekki liðinn fyrir þær allar. Auk þess á enn eftir að auglýsa nokkrar stöður samkvæmt upplýsingum frá Reykjavíkurborg.