Einn ljónheppinn lottóspilari var með allar tölurnar réttar í útdrætti vikunnar og hlýtur því fyrsta vinning, samtals 35.787.180 krónur.
Miðinn var keyptur í Skýlinu við Friðarhöfn í Vestmannaeyjum.
Potturinn var fjórfaldur að þessu sinni.
Tveir skiptu bónusvinningnum á milli sín og fær hvor 235.110 krónur í sinn hlut. Miðarnir voru keyptir í Samkaupum-strax á Flúðum og Olís á Höfn í Hornafirði.
Sex voru með fjórar tölur í réttri röð í Jókernum og fær hver þeirra eitt hundrað þúsund krónur í vinning.
Tveir miðanna voru keyptir á lotto.is, einn er í áskrift en hinir miðarnir voru keyptir í Vídeómarkaðinum, Hamraborg 20A í Kópavogi, Olís á Siglufirði og Hagkaupum, Furuvöllum 17 á Akureyri.