Alls tók 121 keppandi þátt í Urriðavatnssundi um helgina. Þar af voru 118 skráðir í Landvættasund, sem eru 2,5 kílómetrar. Alls luku 100 manns því sundi, eða 61 karl og 39 konur.
Katrín Pálsdóttir bar sigur úr býtum í kvennaflokki og Svavar Þór Guðmundsson vann í karlaflokki.
Eiríkur Stefán Einarsson hlaut einnig viðurkenningu fyrir þátttöku, en hann er upphafsmaður Urriðavatnssundsins og hefur synt vatnið árlega í sjö ár, að því er kemur fram á Urridavatnssund.is.
Forsvarsmenn sundsins vilja í tilkynningu koma á framfæri miklu þakklæti til fyrirtækja og einstaklinga sem gerðu þeim kleift að halda viðburðinn.