Rannsóknarskipið Dröfn varð laust af strandstað í Þorskafirði í Barðastrandarsýslu klukkan 1:18 í nótt. Samkvæmt upplýsingum frá Landhelgisgæslunni virðist skipið lítið sem ekkert skemmt og eftir að það losnaði var því siglt aðeins út fyrir fjörðinn. Þar voru lögð akkeri og mun áhöfn skipsins halda rannsóknum sínum áfram.
Samkvæmt upplýsingum frá Landhelgisgæslunni var það björgunarbáturinn Hafdís frá Reykhólum sem var á staðnum og aðstoðaði áhöfn hans áhöfn Drafnar í aðgerðum við að losa skipið.
Fyrri fréttir mbl.is
Reyna að ná Dröfn á flot á háflóðinu
Áhöfn Drafnar vinnur að því að losa skipið