ESA samþykkir ívilnunarsamning

Bygging Eftirlitsstofnunar EFTA, ESA, í Brussel.
Bygging Eftirlitsstofnunar EFTA, ESA, í Brussel.

Eftirlitsstofnun EFTA (ESA) hefur samþykkt ívilnanasamning íslenska ríkisins við Silicor Materials vegna byggingar á sólarkísilverksmiðju á Grundartanga.

Ívilnanasamningurinn er metinn á um 4,6 milljarða íslenskra króna og verður í formi skattahagræðis og ívilnandi reglna um leigu og fyrningu. Gert er ráð fyrir að verksmiðjan skapi um 450 störf og stuðli að efnahagslegri uppbyggingu á svæðinu.

Ívilnanir til Silicor Material byggja á almennri rammalöggjöf um ívilnanir til nýfjárfestinga á Íslandi sem ætlað er að efla atvinnulíf og byggðaþróun, segir í frétt frá atvinnuvegaráðuneytinu.

Niðurstaða ESA er að ívilnanasamningurinn hafi hvatningaráhrif þar sem ekki hefði verið ráðist í þessa framkvæmd án fyrirheita um ríkisaðstoð. Aðstoðin stuðlar þar með að atvinnusköpun, laðar til sín fyrirtæki, eykur efnahagslega fjölbreytni og býr til störf.

Fréttatilkynning ESA

mbl.is
Fleira áhugavert
Fleira áhugavert