Tónlistarmaðurinn Valdimar Guðmundsson táraðist næstum þegar hann kom í mark að loknum 10 kílómetrum í Reykjavíkurmaraþoninu í dag. Hann kveðst virkilega ánægður með daginn og gerir fastlega ráð fyrir að taka aftur þátt á næsta ári.

„Ég tók því nú frekar rólega bara, tók svona smá skokk í lokin bara,“ segir Valdimar í samtali við mbl.is en hann kom í mark á tímanum 02:12:46. „Ég er kominn með myndarlega blöðru hérna á fótinn en annars er ég bara góður.“

Hann svitnaði vel í veðurblíðunni og naut sín í stemmningunni í allan dag og segist hafa fundið fyrir mikilli hvatningu. „Þetta er bara yndislegt, það var alveg frábært að heyra fagnaðarlætin,“ segir Valdimar.

Vinir hans og fjölskylda höfðu sett saman litla lúðrasveit við endamarkið og tóku fagnandi á móti honum þegar hann kom í mark. „Ég bara alveg táraðist næstum því,“ útskýrir Valdimar.

Það sem eftir lifir dags ætlar hann að taka því rólega þar til hann kemur fram á tónleikum ásamt hljómsveit sinni í Hljómskálagarðinum í kvöld.

Tengdar fréttir

Reykjavíkurmaraþon

Aldrei safnast meira í Reykjavíkurmaraþoninu

• Nautalifur leynivopn Sigurjóns
• „Svo var ég bara skotin í fæturna“
• Lárus Welding safnað mestu
• Tíu ára fór létt með tíu kílómetra

» Fleiri tengdar fréttir

Menningarnótt 2016

Tilkynntar tvær nauðganir

• Flugeldar lýstu upp borgina
• 131 mál á borði lögreglu
• Menningarnótt hefur gengið stóráfallalaust
• „Skilið þið kvótanum aftur til þjóðarinnar“

» Fleiri tengdar fréttir

• Blogga um frétt