21% nemenda, sem hefja framhaldsskólanám í haust, er skráð á almenna námsbraut eða framhaldsskólabraut, samkvæmt upplýsingum frá Menntamálastofnun.
Þessir nemendur uppfylltu ekki inntökuskilyrði til að komast beint inn á aðrar námsbrautir, að því er fram kemur í umfjöllun um mál þetta í Morgunblaðinu í dag.
Líkur eru á að erfiðara verði fyrir þessa nemendur að ljúka stúdentsprófi á þremur árum. Til samanburðar innrituðust 13% 10. bekkinga árið 2015 inn á þessar brautir. Á bóknámsbraut voru 62% í ár en voru 69% árið 2015.