Rúmlega tuttugu ökumenn voru kærðir í vikunni fyrir of hraðan akstur í umdæmi lögreglunnar á Suðurnesjum samkvæmt tilkynningu frá lögreglunni.
Sá sem hraðast ók reyndist vera erlendur ferðamaður og mældist bifreið hans á 155 kílómetra hraða á Reykjanesbraut þar sem hámarkshraði er 90 km á klukkustund. Hann þarf að reiða fram 130 þúsund krónur í sekt fyrir hraðaksturinn.
Þá voru tveir ökumenn réttindalausir og allnokkrir staðnir að því að leggja bifreiðum sínum ólöglega.