Endurupptökunefnd fundar með settum ríkissaksóknara og lögmönnum vegna mögulegrar endurupptöku Guðmundar- og Geirfinnsmálanna í dag. Davíð Þór Björgvinsson, settur saksóknari, segist gera ráð fyrir að um lokafund sé að ræða áður en nefndin kveður upp úrskurð sinn í haust.

Tveir menn voru handteknir vegna málsins í sumar og þá eru nýjar upplýsingar sagðar koma fram um málin í tveimur nýjum bókum.

„Þetta er eitt af þeim atriðum sem þarf að fara yfir,“ segir Davíð Þór en að öðru leyti segir hann trúnað ríkja um efni fundarins í dag.

Nákvæm tímasetning á úrskurði endurupptökunefndar liggur ekki fyrir ennþá, að sögn Björns L. Bergssonar, formanns endurupptökunefndar, en áður hafi verið sagt að hann lægi fyrir í haust. Nefndarmenn muni ekki tjá sig frekar um efni fundarins í dag. Á honum gefist saksóknara og lögmönnum tækifæri til að koma sjónarmiðum sínum á framfæri við nefndina.

Tengdar fréttir

Guðmundar- og Geirfinnsmál

Nýju ljósi varpað á Guðmundar- og Geirfinnsmál

• Ríkið þarf að greiða Alberti 26 milljónir
• „Þetta er auðvitað algjörlega galið“
• Skilur eftir sár sem munu aldrei gróa
• Hagsmunir ríkisins að ljúka máli Erlu

» Fleiri tengdar fréttir

• 2 blogg um fréttina

Bloggað um fréttina

• Jóhann Elíasson: ÓTRÚLEGT KLÚÐUR
• Ómar Ragnarsson: Af hverju endurupptakan er æpandi nauðsyn.