Nýr Arnarnesvegur á áætlun

Vinna við lagningu Arnarnesvegar á milli Reykjanesbrautar og Fífuhvammsvegar gengur vel að sögn Guðmundar Ólafssonar, verkefnisstjóra hjá Suðurverki.

„Einhverjar tafir hafa verið en ekki teljandi og vegurinn verður opnaður fyrir umferð á fyrstu dögum októbermánaðar,“ segir Guðmundur í Morgunblaðinu í dag.

Tvenn undirgöng verða á svæðinu, undir Reykjanesbraut og við Þorrasali. Einnig göngubrú sem verður til móts við kirkjugarðinn í Kópavogi.