Réttindi aldraðra verði betur skilgreind

Meðal annars er lögð áhersla á einföldun almannatryggingakerfisins þar sem réttindi aldraðra verði betur skilgreind í tillögum samstarfsnefndar um málefni aldraðra sem Eygló Harðardóttir, félags- og húsnæðismálaráðherra, hefur fengið í hendur. Tillögurnar kveða á um þau atriði sem nefndin telur að ráðherra eigi að setja í forgang við mótun og framkvæmd stefnu í málefnum aldraðra á næstu árum. Nefndin hefur unnið að mótun tillagnanna í rúmt ár.

„Einnig er fjallað um rétt aldraðra til sjálfstæðrar búsetu og sjálfræðis, hvort sem um er að ræða búsetu á eigin heimili eða á öldrunarheimili. Þá skuli öldruðum gert kleift að aðlaga sig breyttum aðstæðum og nýta sér úrræði/lausnir sem auka sjálfsbjargarmöguleika þeirra. Jafnframt telur nefndin mikilvægt að sett verði gæðaviðmið á öllum sviðum þjónustu við aldraða, ásamt því að auka upplýsingagjöf og eftirlit með gæðum þjónustunnar,“ segir í fréttatilkynningu.

Tillögur samstarfsnefndarinnar eru settar fram í ellefu liðum:

• Einföldun almannatryggingakerfisins.
• Heilsueflingu og aukinni virkni aldraðra.
• Rétti aldraðra til sjálfstæðrar búsetu og sjálfræðis.
• Mikilvægi nýsköpunar og tækni í þjónustu við aldraða.
• Setningu gæðaviðmiða fyrir þjónustu við aldraða.
• Eftirliti með gæðum þjónustu við aldraða.
• Stöðugleika og aukinni hæfni starfsfólks í öldrunarþjónustu.
• Stefnu og úrbótum í málefnum aldraðra með heilabilun.
• Stofnun upplýsingavefjar um öldrun og aldraða.
• Réttindagæslu aldraðra.
• Umfjöllun um óljós ábyrgðarsvið þjónustuaðila, „grá svæði“ í þjónustu við aldraða og áherslu á notendasamráð.

• 1 blogg um fréttina

Bloggað um fréttina

• Eyjólfur Jónsson: Della! Við höfun engin réttindi!