Tónleikagestir fluttir á sjúkrahús

Þrír einstaklingar sem sóttu tónleika Justins Bieber í Kórnum í gærkvöldi þurftu á aðhlynningu að halda á meðan á tónleikunum stóð og voru þeir fluttir á sjúkrahús.

Einn til viðbótar var fluttur á sjúkrahús eftir tónleikana. 

Nokkur önnur tilvik voru afgreidd á staðnum. Öll atvikin voru minniháttar, að sögn slökkviliðsins á höfuðborgarsvæðinu. 

Tveir voru jafnframt fluttir á sjúkrahús af fyrri tónleikum Biebers á fimmtudagskvöld, auk þess sem þrír voru fluttir af svæðinu eftir tónleikana. Þau tilvik voru heldur ekki alvarleg, að sögn slökkviliðsins.

Frétt mbl.is: Á heimleið eftir tónleika Biebers

Frétt mbl.is: Hreppti klút Biebers á tónleikunum

mbl.is/Hjörtur

• 1 blogg um fréttina

Bloggað um fréttina

• Kristin stjórnmálasamtök: Söngvarinn Justin Bieber segist ekki vilja þegja um trú sína …