Búvörulögin samþykkt á Alþingi
Setja bókamerki
Frumvarp Gunnars Braga Sveinssonar, sjávarútvegs- og landbúnaðarráðherra, um búvörusamning voru samþykkt á Alþingi í dag með 19 atkvæðum gegn sjö. Þingmenn Bjartrar framtíðar greiddu atkvæði gegn frumvarpinu, sem og Sigríður Á. Andersen, þingmaður Sjálfstæðisflokksins. Sextán þingmenn sátu hjá og 21 var fjarverandi eða með fjarvist.
Frumvarpið var samþykkt með atkvæðum stjórnarþingmanna úr Sjálfstæðisflokknum og Framsóknarflokknum. Fjórir þingmenn Sjálfstæðisflokksins sátu hjá við atkvæðagreiðsluna, sem og fimm þingmenn Samfylkingarinnar, fimm þingmenn Vinstrihreyfingarinnar - græns framboðs og tveir þingmenn Pírata. Aðrir þingmenn voru ekki viðstaddir atkvæðagreiðsluna.
Frumvarpið hefur verið mjög umdeilt, ekki síst að búvörusamningarnir séu gerðir til tíu ára. Breytingatillaga um að styrkir féllu niður til þeirra sem stunduðu dýraníð var felld en samþykkt vægari tillaga sem fjallar um dýraníð.
Markaðurinn hitnar og leiguverð hækkar hratt
Sat á þaki byggingarinnar þegar eldurinn kviknaði
Mikil skjálftavirkni á landinu áhyggjuefni
Kvikan virðist nú skiptast til helminga
Benda á Samgöngustofu sem bendir út í heim
Hafa samþykkt kaup fyrir um 9,2 milljarða