Hávaðasamur sunnudagur

mbl.is/Þórður

Lögreglan hafði afskipti af húsráðanda íbúar í Garðabæ í nótt en ítrekað hefur verið tilkynnt um partýhávaða frá íbúðinni undanfarna daga.   Húsráðandi heimilaði leit í  íbúðinni og fundust þar ætluð fíkniefni.  Málið afgreitt á vettvangi, að sögn lögreglu.

Seint í gærkvöldi var tilkynnt um innbrot í skóla í austurhluta Reykjavíkur. Þar hafði gluggi verið spenntur upp og farið inn. Ekki er vitað hverju var stolið en málið er í rannsókn lögreglu.

Um tvö í nótt hafði lögregla afskipti af ölvaðri ungri konu á heimili í vesturbænum  þar sem hún var gestkomandi.  Konan er vistuð í fangageymslu lögreglu þangað til ástand hennar batnar.

mbl.is
Fleira áhugavert
Fleira áhugavert