Lögreglan á Suðurlandi hefur lokað fyrir umferð á vegi 221 við Sólheimajökul. Greint var frá þessu á Facebook-síðu embættisins nú fyrir stuttu en ákvörðunin var tekin í ljósi yfirstandandi skjálftahrinu í Mýrdalsjökli.
Sólheimajökull er vinsæll viðkomustaður ferðamanna, en samkvæmt nýlegri meistararitgerð sem mbl.is sagði frá og fjallar um aukna hættu sem steðja að vaxandi fjölda ferðamanna við Sólheimajökul vegna flóða hefur fólk sem sækir á jökulinn aðeins um 30 mínútur til að forða sér komi til flóðs undan jöklinum.
Kristín Jónsdóttir, fagstjóri jarðvár hjá Veðurstofu Íslands, sagði fyrr í dag að vísindamenn fylgjast með mögulegu hlaupi niður Múlakvísl eða Jökulsá á Sólheimasandi vegna yfirstandandi óróleika í Kötlu. Jökulsáin rennur undan jökulsporðinum þar sem vinsælt er að ferðamenn fari í göngu á jökulinn.