Þjóðgarðurinn tekur við rekstrinum

Frá bílastæðinu við gestastofuna á Hakinu. Þjóðgarðurinn rekur gestastofuna og ...
Frá bílastæðinu við gestastofuna á Hakinu. Þjóðgarðurinn rekur gestastofuna og hefur nú ákveðið að taka yfir rekstur söluskálans, sem er á öðrum stað, tímabundið til þess að auka þjónustuna við gesti þjóðgarðsins. mbl.is/Ómar

Til stendur að endurinnrétta Þjónustumiðstöðina á Þingvöllum til þess að auka þjónustu við gesti þjóðgarðsins. Ólafur Örn Haraldsson þjóðgarðsvörður segir að núverandi fyrirkomulag, með söluskála og þjónustumiðstöð í sama húsi, sé komið í öngstræti vegna fjölda gesta. Því sé brýnt að endurskipuleggja alla þjónustumiðstöðina, samhæfa og fella saman þjónustu og móttöku gesta og rekstur söluskálans.

Ólafur segir miklar breytingar fyrirhugaðar á Þingvöllum á næstu misserum. Til stendur að byggja þúsund fermetra við gestastofuna á Hakinu þar sem stefnt er að því að setja upp veitingaaðstöðu, veglega sýningu og söluálmu. Þá verður byggður söluskáli á Þingvallavegi austan við Öxará innan fárra ára sem mun leysa núverandi söluskála í þjónustumiðstöðinni af hólmi. Að sögn Ólafs verður þá hægt að nýta þjónustumiðstöðina betur undir þjónustu við tjaldgesti og upplýsingagjöf.

Núverandi rekstraraðili rekið skálann síðan 1986

Núverandi rekstraraðili söluskálans í þjónustumiðstöðinni hefur rekið hann síðan 1986. Henni var nýlega greint frá því að leigusamningur hennar yrði ekki endurnýjaður en Ólafur segir það hafa verið ljóst fyrir nokkrum árum að sá dagur rynni upp. Upphaflega hafi staðið til að segja leigusamningnum upp vegna fyrirhugaðra breytinga fyrir þremur árum í góðri sátt en samningurinn hafi verið endurnýjaður þrisvar til eins árs í senn þar sem fyrirætlanirnar hafi dregist á langinn.

Frá Þingvöllum.
Frá Þingvöllum. mbl.is/Ómar

„Til þess að geta farið í þessar framkvæmdir þurfum við að hafa frjálsar hendur til að ráðstafa innréttingum og fyrirkomulagi á öllu húsinu,“ segir Ólafur. Hann segir söluskálann búa við ótrúlega þröngan kost en þó sé það ótrúlegt hversu góðan mat núverandi rekstraraðili hafi gert sér úr því litla húsnæði sem hann hafi. Rýmið bjóði þó ekki upp á almennilega veitingaaðstöðu sem er m.a. ástæðan fyrir breytingunum.

„Síðan er á það að líta að það hefur mjög oft verið kvartað undan því að þessi aðstaða hefur ekki verið boðin út. Núverandi rekstraraðili hefur setið einn að þessu,“ segir Ólafur. Hann segir þó mikla ánægju vera með núverandi rekstraraðila og ástæðan fyrir því að leigusamningnum hafi verið sagt upp sé eingöngu vegna framtíðaruppbyggingar á Þingvöllum.

Þjóðgarðurinn mun reka söluskálann, a.m.k. fyrst um sinn

Linda Rós Helgadóttir, dóttir núverandi rekstraraðila, segist hneyksluð yfir ákvörðun Þingvallanefndar og þjóðgarðsvarðar um að segja upp samningnum. „Hún hefur verið með þetta síðan árið 1986,“ segir Linda og bætir við að móðir sín hafi orðið sextug í fyrra og því hefði það verið eðlilegt að leyfa henni að halda rekstrinum þar til hún færi á eftirlaun.

mbl.is/Jakob

„Og að ríkið sé að reka sjoppu, eða þjóðgarður fari að reka sjoppu. Þú getur ímyndað þér hvernig sjoppurekstur fyrir eina manneskju er búbót, en fyrir ríkið eða þjóðgarðinn er það ekki,“ segir Linda. Hún segir ákvörðunina þó ekki koma sér beint á óvart en hún hafi vonast eftir annarri niðurstöðu.

Ólafur segir að þjóðgarðurinn ætli að reka veitingasöluna sjálfur fyrst um sinn. „Í fyrsta kasti, á meðan við erum að átta okkur á því hvers konar þjónustu við viljum veita, hvaða vöruúrval, kostnaðarþættir og tekjumöguleikar eru í stöðunni, þá ætlum við að reka þetta sjálf,“ segir hann. „Það er eðlilegt að þjóðgarðurinn á Þingvöllum vilji núna í eitt eða tvö ár standa í rekstri þjónustu og veitinga til að átta sig á þjónustu og vöruúrvali. Eftir það höfum við betra tæki til að bjóða reksturinn út.“

Hann segir reksturinn þar að auki vera svo smávægilegan að það taki því varla að bjóða hann út, en staðan verði önnur þegar nýr söluskáli verður tilbúinn. Þjóðgarðurinn rekur jafnframt gestastofuna á Haka og segir Ólafur spurður út í reksturinn þar að eftir að viðbyggingin verður tilbúin sé eins líklegt að hlutir verði þar boðnir út.

„Það hefur margt breyst á örfáum árum,“ segir Ólafur en ferðamönnum hefur fjölgað um 30 prósent á ári að jafnaði undanfarin ár. „Frá því að einn landvörður sat og rétti bæklinga ókeypis yfir í stóran rekstur. Hlutirnir gerast býsna hratt.“

mbl.is

Innlent »

Leigubílstjóri óskaði aðstoðar

11:55 Um klukkan fimm í nótt óskaði leigubílsstjóri sem staddur var í Hafnarfirði eftir aðstöðu lögreglu vegna farþega sem hljóp úr úr bifreiðinni án þess að greiða fyrir fargjaldið. Þetta kemur fram í dagbók lögreglunnar á höfuðborgarsvæðinu. Meira »

„Mynda samsæri gegn kjósendum“

11:28 „Mér líst ekkert á þetta. Það er afleitt ef menn fara í stjórn á öðrum forsendum en út frá pólitík og framtíðarsýn. Þetta er svo sannarlega ekki stjórn sem byggir á tiltekinni pólitískri stefnu eða skýrri framtíðarsýn,“ segir Sigmundur Davíð Gunnlaugsson, Meira »

Safna fötum fyrir börn á Íslandi

10:15 Árleg fatasöfnun Ungmennaráðs Barnaheilla fer fram í dag, í tilefni af degi mannréttinda barna og afmælis Barnasáttmála Sameinuðu þjóðanna. Söfnunin hefst klukkan 12 á hádegi og stendur til 17 á jarðhæð höfuðstöðva Barnaheilla við Háaleitisbraut 13. Meira »

Enn einhver hreyfing í eldstöðinni

09:32 Þrír jarðskjálftar mældust við Öræfajökul í gærkvöldi og í nótt, að sögn sérfræðings hjá Veðurstofunni. Voru þeir þó allir undir 1 að stærð. „Þetta eru skjálftar sem segja okkur að það sé enn einhver hreyfing í eldstöðinni.“ Að sögn er ástandið að öðru leyti óbreytt. Meira »

Kuldaleg veðurspá næstu daga

08:05 Veðurspáin næstu daga er mjög kuldaleg, mikil hæð verður yfir Grænlandi og lægðirnar fara framhjá langt fyrir sunnan land. Við erum því föst í kaldri norðaustanátt alla vikuna með éljagangi fyrir norðan og austan. Meira »

Keyrðu á ljósastaur og stungu af

07:27 Um klukkan ellefu í gærkvöldi var tilkynnt um umferðaróhapp í Seljahverfi í Breiðholti, en bifreið var þar ekið á ljósastaur. Par sem var í bifreiðinni yfirgaf vettvang strax eftir óhappið en var handtekið skömmu síðar. Parið var vistað í fangageymslu lögreglu fyrir rannsókn málsins. Meira »

„Mér finnst þið sýna hressandi kjark“

Í gær, 22:52 Katrín Júlíusdóttir, fyrrverandi varaformaður Samfylkingarinnar, segir Vinstri græn sýna hressandi kjark með því að fara í stjórnarmyndunarviðræður með Sjálfstæðisflokknum og Framsóknarflokknum. „Mér finnst þið sýna hressandi kjark sem vonandi hristir upp í þessu.“ Meira »

Þrír í 8 fm herbergi og borga 210 þúsund

07:14 Algeng leiga fyrir herbergi með tveimur rúmum og stundum fataskáp, með aðgangi að sameiginlegu baðherbergi og eldhúsi, sem er um átta fermetrar eða þar um bil, er á bilinu 55 til 65 þúsund krónur á mánuði. Meira »

Skylt að veita aðgang að eldri prófum

Í gær, 22:04 Háskóla Íslands er skylt að veita nemanda skólans aðgang að eldri prófum í námskeiði við skólann, að því er fram kemur í úrskurði Úrskurðarnefndar um upplýsingamál, sem kveðinn var upp þann 2. nóvember en birtur var í gær. Skólinn hafði áður synjað beiðni nemandans þess efnis. Meira »

Veruleg óvissa um framhald atburðarásar

Í gær, 22:01 Ljóst er að verulegur jarðhiti er kominn upp í öskju Öræfajökuls en ekki eru nein merki að eldgos sé að hefjast. Veruleg óvissa er þó um framhald þeirrar atburðarásar sem nú er í gangi, að segir í tilkynningu frá Veðurstofu Íslands. Stöðufundur var haldinn um Öræfajökul á Veðurstofunni í kvöld. Meira »

Syngur í Tosca í 400. skiptið

Í gær, 21:07 Síðasta sýningin á óperunni Tosca fyrir áramót verður í Hörpu í kvöld, en það er 400. sýning Kristjáns Jóhannssonar óperusöngvara í hlutverki Cavaradossi málara. Kristján hefur sungið hlutverkið víða um heiminn síðan 1980. Meira »

Ógn fylgi innflutningi á fersku kjöti

Í gær, 20:37 Karl G. Kristinsson, yfirlæknir á sýkla- og veirufræðideild Landspítalans, segir ómetanlegt að á Íslandi sé minnst sýklalyfjaónæmi af löndum Evrópu, eins og árleg skýrsla Evrópsku sóttvarnarmiðstöðvarinnar sýnir. Meira »

Björn Lúkas tapaði úrslitabardaganum

Í gær, 20:12 Bardagamaðurinn Björn Lúkas Haraldsson tapaði úrslitabardaganum sínum á heimsmeistaramóti áhugamanna í MMA í dag. Svíinn Khaled Laallam reyndist of sterkur og fór með sigur af hólmi. Björn Lúkas fer hins vegar með silfrið heim. Þetta kemur fram á Meira »

Lambastelpa lét ekki stoppa sig

Í gær, 19:13 Þau ætluðu ekki að trúa sínum eigin augum þegar hún kom í leitirnar, eftir að hafa verið týnd í tvo og hálfan mánuð. Klóka kindin Ukulele lambastelpa er frekari en nokkru sinni fyrr og vill ei vera í fjárhúsi. Meira »

„Þetta er algjör draumur“

Í gær, 17:40 Úthlutað var úr Styrktarsjóði Svavars Guðnasonar listmálara og Ástu Eiríksdóttur eiginkonu hans við athöfn í Listasafni Íslands í dag og hlutu tveir ungir myndlistarmenn styrki, þau Fritz Hendrik Berndsen og Katrín Inga Jónsdóttir Hjördísardóttir. Meira »

Sex fengu 100 þúsund krónur

Í gær, 19:34 Enginn miðhafi var með allar tölur réttar í Lottó þegar dregið var út kvöld og verður potturinn því tvöfaldur í næstu viku. Þrír miðaeigendur skiptu hins vegar með sér bónusvinningi kvöldsins og hlýtur hver um sig rúmlega 101 þúsund krónur. Meira »

Telja himin og jörð ekki að farast

Í gær, 18:33 Jarðvísindamenn voru við mælingar á Öræfajökli í dag og mældu meðal annars nýjan sigketil sem hefur myndast í öskju jökulsins síðustu daga. Ketillinn er um einn kílómetri í þvermál, en Magnús Tumi Guðmundsson jarðeðlisfræðingur segir það hafa komið í ljós að ketilinn sé um 15 til 20 metra djúpur. Meira »

35,11% vefsíðna komnar aftur í gagnið

Í gær, 17:29 Samkvæmt Merði Ingólfssyni, framkvæmdastjóra 1984 ehf. hefur 35,11% þeirra vefsíðna sem fyrirtækið hýsir verið komið aftur í gagnið eftir kerfishrunið sem varð á miðvikudag. Á morgun vonast hann til að hlutfallið verði komið upp í 50% og að á mánudag verði allar vefsíðurnar komnar upp. Meira »

Mátturinn eða dýrðin - Greinaflokkur

Sumarhús – Gestahús – Breytingar O?Fram
Sumarhús - Gestahús - Breytingar ? Framleiðum stórglæsileg sumarhús í ýmsum stær...
Stimplar
...
Bátakerru stolið
Þessari kerru var stolið um Hvítasunnuhelgina í bryggjuhverfinu í Reykjavík. Þei...
Dyrasímar - Raflagnir
Dyrasímaþjónusta, geri við eldri kerfi og set upp ný, fljót og góð þjónusta Sí...
 
Skipulagsmál
Tilkynningar
Rangárþing ytra Auglýsing um skipulags...
Aflaheimildir
Tilkynningar
Auglýsing eftir umsóknum um afla...
Félagsstarf
Staður og stund
Aflagrandi 40 Opin vinnustofa kl. 9 og b...
Framhald uppboðs
Nauðungarsala
Uppboð Einnig birt á www.naudungarsolu...