Allir ákærðu í Aurum-málinu svokallaða voru mættir þegar aðalmeðferð málsins hófst í Héraðsdómi Reykjavíkur í morgun. Það eru þeir Lárus Welding, fyrrverandi forstjóri Glitnis, Magnús Arnar Ásgrímsson, fyrrverandi framkvæmdastjóri fyrirtækjasviðs bankans, Bjarni Jóhannesson, fyrrverandi viðskiptastjóri bankans, og Jón Ásgeir Jóhannesson, sem var einn af aðaleigendum bankans á sínum tíma.

Ólafur Hauksson héraðssaksóknari flytur málið fyrir hönd ákæruvaldsins og hóf hann daginn á að fara stuttlega yfir málið áður en verjendur allra ákærðu voru einnig með stutta framsögu. Að því loknu steig Lárus Welding í vitnastúkuna og fór sjálfur með framsögu, en slíkt hefur tíðkast í stóru hrunmálunum. Að lokinni framsögu hans mun saksóknari hefja skýrslutöku yfir Lárusi og síðar í dag fer fram skýrslutaka yfir Magnús og Bjarna, ef dagskrá gengur upp. Skýrslutaka Jóns Ásgeirs er á dagskrá á morgun.

Þetta er í annað skiptið sem Aurum-málið er flutt fyrir héraðsdómi, en áður hafði málið verið ógilt af Hæstarétti og sent aftur í hérað.

Lárus Welding ásamt verjendum. Árni Sæberg

Tengdar fréttir

Aurum Holding-málið

Aurum Holding ekki fyrir Hæstarétt

• Feginn að komið sé að endimörkum
• 59 milljónir falla á ríkissjóð
• Allir sýknaðir í Aurum-málinu
• „Ég er bara lítill fjárfestir“

» Fleiri tengdar fréttir

• Blogga um frétt