Gera má ráð fyrir því að nýjar reglur um persónuvernd muni kalla á einhvers konar breytingar hjá nánast öllum fyrirtækjum og stofnunum í landinu með tilheyrandi aukningu kostnaðar.
Breytingarnar eru þær umfangsmestu sem gerðar hafa verið á persónuverndarlöggjöf í tvo áratugi. Þær eru á grundvelli nýsamþykktrar reglugerðar ESB um vernd einstaklinga í tengslum við vinnslu persónuupplýsinga og frjálst flæði slíkra upplýsinga, sem gekk í gildi í maí síðastliðnum.
Reglugerðin mun taka gildi í ESB í maí 2018 og hefur Persónuvernd upplýst að samsvarandi breytingar á íslensku persónuverndarlöggjöfinni muni taka gildi á sama tíma, að því er fram kemur í umfjöllun um mál þetta í ViðskiptaMogganum í dag.