Búist er við stormi (18-23 metrum á sekúndu í meðalvindhraða) fram eftir morgni. Spáð er sunnan 15 til 23 metrum á sekúndu og sums staðar verða snarpar vindhviður við fjöll.
Rigning verður suðaustanlands fram eftir morgni, en annars skúrir um landið sunnan- og vestanvert.
Þurrt verður norðaustan- og austanlands. Hægari síðdegis. Gengur í suðaustan 10 til 18 metra á sekúndu með rigningu sunnan og vestan til í fyrramálið, en yfirleitt hægari og þurrt fyrir norðan og austan.
Hiti verður á bilinu 6 til 15 stig, hlýjast á Norðurlandi.