Bíll valt á Suðurlandsvegi við Hólmsá um hálfáttaleytið í kvöld. Ökumaðurinn var einn í bílnum og var hann fluttur á slysadeild.
Að sögn slökkviliðsins á höfuðborgarsvæðinu barst tilkynning um að bílinn hefði farið ofan í Hólmsá en þegar að var komið lá bíllinn við bakkann. Betur fór því en á horfðist.
Ekki er ljóst á þessari stundu hversu mikið ökumaðurinn meiddist.