„Ég vona bara að við séum allar að fara að mæta,“ segir Eygló Harðardóttir, félags- og húsnæðismálaráðherra, þegar blaðamaður spyr hana hvort að hún ætli að mæta á Austurvöll í dag. „Já, auðvitað ætla ég að mæta,“ bætir hún við.

Eygló segist vona að kvennafríið hafi áhrif á starfið í ráðuneytinu. „Ég vona sannarlega að við bara mætum öll.“ Eygló segir að þó að dagurinn snúist um að konur leggi áherslu á að mótmæla kynbundum launamuni skipti það öllu máli að samfélagið í heild sé meðvitað og sýni samstöðu.

Eygló segir að launamunurinn mælist nú um 7,6% og að það liggi fyrir áætlun um hvernig megi breyta þessu. „Nú bara höldum við áfram. Við höfum verið að gera góða hluti en lokahnykkurinn er fram undan.“

Tengdar fréttir

Kvennafrídagur 2016

Franskar konur fylgja íslensku fordæmi

• „Málefnið brennur á okkur“
• „Í tísku að vera femínisti"
• „Á systir mín að fá minni vasapening?“
• BSRB minnir á yfirlýsingu

» Fleiri tengdar fréttir

• Blogga um frétt