„Ég hef heyrt misjafnar undirtektir um að konur gangi út. Sums staðar verði það litið alvarlegum augum en annars staðar hvetji launagreiðendur þær til þess. Hins vegar erum við á láglaunasvæði og konur fara ekki varhluta af því,“ segir Signý Jóhannesdóttir, formaður Stéttarfélags Vesturlands. Í húsnæði félagsins verður sýnt beint af samstöðufundinum á Austurvelli sem hefst kl. 15.15.

Hún hvetur konur til að leggja niður störf í Borgarnesi og leggja leið sína þangað. „Ég hvet líka alla launagreiðendur til að draga ekki af launum þeirra því nógu slæm er staðan fyrir,“ segir Signý.  

Hún bendir á að á eftir verði kjörið tækifæri til að hittast og ræða málin yfir kaffisopa.

Baráttufundir eru einnig haldnir á Akureyri, Bolungarvík, Egilsstöðum, Grundarfirði, Hellu, Höfn í Hornafirði, Ísafirði, Neskaupstað, Patreksfirði, Sauðárkróki og Þorlákshöfn.

Tengdar fréttir

Kvennafrídagur 2016

Franskar konur fylgja íslensku fordæmi

• „Málefnið brennur á okkur“
• „Í tísku að vera femínisti"
• „Á systir mín að fá minni vasapening?“
• BSRB minnir á yfirlýsingu

» Fleiri tengdar fréttir

• 1 blogg um fréttina

Bloggað um fréttina

• Eyjólfur Jónsson: Láglaunasvæði hvað? Það á bara að borga það sama allstaðar!