Hlín Einarsdóttir sendi tvö bréf þar sem þess var krafist að Sigmundur Davíð Gunnlaugsson, þáverandi forsætisráðherra, og eiginkona hans, Anna Sigurlaug Pálsdóttir, greiddu þeim milljónir króna.

Þetta kemur fram í ákæru á hendur systrunum Hlín og Malín Brand, að því er Stundin greindi frá. 

Málið verður þingfest í Héraðsdómi Reykjavíkur 14. nóvember.

Frétt mbl.is: Hlín og Malín ákærðar

Systurnar voru handteknar af lögreglu í byrjun júní í fyrra þegar þær höfðu í hyggju að nálgast fé sem þær ætluðu að hafa af Sigmundi og Önnu Sigurlaugu sunnan Vallahverfisins í Hafnarfirði.

Við yfirheyrslur játuðu þær að hafa sent þeim bréf.

Í ákærunni kemur fram að Hlín hafi fyrst sett bréf inn um bréfalúguna á heimili Jóhannesar Þórs Skúlasonar, aðstoðarmanns Sigmundar Davíðs, og síðar hafi hún sent nafnlaust bréf til Sigmundar sem var stílað á Önnu Sigurlaugu. Í fyrra bréfinu var krafist 7,5 milljóna króna og í því síðara var upphæðin komin í 8 milljónir. 

Uppfært kl. 15:36

Kolbrún Benediktsdóttir, varahéraðssaksóknari, staðfestir í samtali við mbl.is að þetta komi fram í ákærunni. Að öðru leyti sé fátt í ákærunni sem ekki hafi komið fram áður en ekki er unnt að láta fjölmiðlum ákæruna í té fyrr eftir helgi. 

Tengdar fréttir

Fjárkúgun

Hæstiréttur staðfestir dóm yfir Malín

• „Þetta er auðvitað útópískt rugl“
• Málflutningur í máli Malínar
• Malín búin að áfrýja dóminum
• Gert að greiða rúmar 10 milljónir

» Fleiri tengdar fréttir

• Blogga um frétt