Gerðar verða tilraunir með ræktun á Andesfjallalúpínu hér á landi á næstu árum. Tilgangurinn er kanna notkun þessarar tegundar til uppgræðslu og fóðurframleiðslu.
Fyrstu fræjunum verður sáð næsta vor í tilraunareiti Landgræðslunnar, að því er fram kemur í umfjöllun um mál þetta í Morgunblaðinu í dag.
Lúpínuræktunin er liður í nýju evrópsku þróunarverkefni um lífmassaframleiðslu og aðra úrvinnslu á lúpínu sem Nýsköpunarmiðstöð Íslands stýrir og Landgræðslan tekur þátt í ásamt fjölda stofnana og fyrirtækja í átta löndum. Evrópusambandið hefur veitt ríflega 600 milljóna króna styrk til verkefnisins.