Skoða að fá utanaðkomandi vottun

Kristinn Gylfi Jónsson segir Brúnegg með sitt á hreinu í ...
Kristinn Gylfi Jónsson segir Brúnegg með sitt á hreinu í dag og að fyrirtækið biðjist afsökunar á frávikum liðins tíma. mbl.is/Eggert Jóhannesson

Eggjaframleiðslufyrirtækið Brúnegg íhugar nú að fá utanaðkomandi aðila til að votta framleiðslu fyrirtækisins sérstaklega. „Við erum að skoða hvaða valkostir eru til staðar,“ segir Kristinn Gylfi Jónsson sem á fyrirtækið ásamt Birni bróður sínum.

Verið er að skoða að fá annaðhvort erlenda  sérfræðinga til að votta framleiðsluna, eða að byggja vottunina á erlendum stöðlum í sátt við innlenda aðila.  „Við erum að skoða ýmsa kosti til að geta aukið gegnsæi í okkar framleiðslu.“

Brúnegg rær lífróður þessa dagana eftir að Kastljós fjallaði á mánudag um aðbúnað hænsna á búum fyrirtækisins á Teigi í Mosfellsbæ og Stafholtsveggjum í Borgarfirði. Kristinn Gylfi segir allflesta viðskiptavini Brúneggja hafa stöðvað viðskipti við fyrirtækið í augnablikinu, einhverjir séu þó enn í viðskiptum við Brúnegg og á næstu dögum muni nokkrar þeirra verslana sem selt hafa egg frá fyrirtækinu koma í heimsókn og skoða aðstöðuna. Klukkuverslanir 10-11 eru meðal þeirra fyrirtækja sem hafa tilkynnt að þær hyggist skoða aðstöðuna.

Önnuðu ekki eftirspurn þar til Kastljósþátturinn var sýndur

„Okkar líf núna snýst um það hvort okkur takist að sýna fram á trúverðugleika þannig að menn vilji hefja viðskipti á ný. Það reynir á það á næstu dögum,“ segir Kristinn Gylfi er hann sýnir blaðamanni mbl.is og ljósmyndara pökkunaraðstöðu og tvö varphólf á Teigi.

Hólf 7 á Teigi. Nægt rými var fyrir hænurnar í ...
Hólf 7 á Teigi. Nægt rými var fyrir hænurnar í því hólfi er blaðamaður og ljósmyndari heimsóttu Brúnegg. mbl.is/Eggert Jóhannesson

„Við munum sjá núna á næstu dögum hvort þeir vilji endurskoða afstöðu sína til viðskipta eftir að við sýnum þeim hvað er í gangi.“

Þau egg sem tekin hafa verið úr sölu í verslunum frá því í gær munu koma aftur til Brúneggja. „Það er lítið byrjað, en þau munu koma aftur til okkar,“ segir Kristinn Gylfi og bætir við að ekki sé enn búið að ákveða hvað verði gert við þau. „Við önnuðum ekki eftirspurn þangað til þetta kom upp, þannig að við vorum með alveg ný egg í búðunum.“ Hann vonast þó til að ekki komi til þess að það þurfi að farga eggjunum.

Gerð athugasemd við loftræstingu

Kristinn Gylfi sýnir blaðamanni og ljósmyndara fyrst inn í hólf 7 á Teigi, þar sem rúmt virðist vera um hænurnar, gólfin þurr og yfir litlu að kvarta varðandi aðbúnað, þótt húsið sé gamalt. „Svona eru öll okkar hús,“ sagði Kristinn Gylfi og bendir ljósmyndara á hænu sem er í rykbaði.

Nokkuð þrengra virðist vera um hænurnar í hólfi 5, þótt Kristinn Gylfi fullyrði að þær séu jafnmargar. „Það getur verið að þær séu komnar úr varpkössunum og séu allar frammi,“ segir hann þegar blaðamaður nefnir fjöldann. „Hér erum við með níu fugla á fermetra og uppfyllum reglur Matvælastofnunnar (MAST).“

Þrengra virtist vera um hænunar í hólfi 5 á Teigum. ...
Þrengra virtist vera um hænunar í hólfi 5 á Teigum. Kristinn Gylfi fullyrðir þó að þær séu jafnmargar og í hólfi 7, en mögulega hafi þær allar lokið varpi og verið komnar fram þegar myndin var tekin. mbl.is/Eggert Jóhannesson

Mun sterkari ammoníaklykt tekur sömuleiðis á móti blaðamanni og ljósmyndara í hólfi 5 en hólfi 7 og segir Kristinn Gylfi þetta vera dæmi um vanda sem verið sé að vinna í. „Það er ekki óeðlilegt að það sé lykt í griphúsum,“ segir hann.

Dýralæknir á vegum MAST hefur heimsótt Teig í tvígang í ár og eina athugasemdin sem gerð hefur verið að sögn Kristins Gylfa er sú að bæta þurfi loftræstinguna til að ná niður ammoníaksgildum. „Það er verið að vinna í þeim frávikum og ég tel að það takist,“ segir hann. Bæta eigi loftræstinguna í húsunum. „Þetta erum við að vinna í samstarfi við MAST,“ bætir hann við.  

Reglubundu eftirliti er einnig lokið á Stafholtsveggjum í ár. „Þar voru frávik hefur verið leyst úr,“ segir Kristinn Gylfi.

Frávik liðins tíma

Einnig á að loka tveimur elstu húsunum á Teigi, þar sem í dag eru hólf 8 og 9. Spurður hvort hægt sé að fá líta þar inn líka segir hann það ekki ganga þar sem verið var slátra fuglunum.

Hænur Brúneggja verpa nokkur þúsund eggjum á dag. Fyrirtækið annaði ...
Hænur Brúneggja verpa nokkur þúsund eggjum á dag. Fyrirtækið annaði ekki eftirspurn áður en umfjöllun Kastljóss var sýnd. mbl.is/Eggert Jóhannesson

Hann hafnar því hins vegar að slátrunin hafi nokkuð með Kastljósþáttinn að gera. „Nei það stóð til að gera þetta. Við höfum starfsleyfi á öllum okkar búum í dag. Það var villandi við þessar myndbandsupptökur sem voru sýndar að það kom út eins og þetta væri ástandið á okkar búum í dag og það finnst okkur miður. Þetta eru frávik liðins tíma.  Við erum með okkar hluti í lagi í dag og erum með fullt leyfi til að selja okkar afurðir.“

Fimm hólf eru á Teigi og verið er að leggja tvö þeirra niður og með því verða 450 fm af húsnæði teknir úr umferð og þess í stað verður tekið í notkun nýtt húsnæði í Brautarholti á Kjalarnesi. Kristinn Gylfi segir að fyrir Kastljósþáttinn hafi staðið til að stækka fyrirtækið með nýja húsinu. „Nú vitum við hins vegar ekkert hvort það er framtíð í fyrirtækinu,“ segir hann og kveðst ekki vita hvað muni gerast næst.

Nýju húsin í Brautarholti hafa enn ekki verið tekin í ...
Nýju húsin í Brautarholti hafa enn ekki verið tekin í notkun, en til stóð að auka umsvif fyrirtækisins með þeim. Kristinn Gylfi segir nú óvíst að svo verði. mbl.is/Eggert Jóhannesson

Vonast til að endurheimta traust

„Ég vona að við náum að fá kaupendur og viðskiptavini til að sjá að aðstaðan er í lagi hjá okkur og að við biðjumst afsökunar á því sem hefur komið upp í liðinni tíð. Við vonumst líka til þess að okkar vörur geti endurheimt eitthvað af því trausti sem var til staðar og að þær komist aftur í sölu.“

Það sé hins vegar viðskiptavinanna og ekki síst neytenda að meta það. „Þetta getur tekið langan tíma og við vitum ekkert hvort að það tekst, en við ætlum að reyna. Við erum með mikið undir og við ætlum að reyna eftir bestu getu.“

Sérstök renna er fyrir hænunar til að komast niður í ...
Sérstök renna er fyrir hænunar til að komast niður í sandbaðið í nýju húsunum að Brautarholti. mbl.is/Eggert Jóhannesson
mbl.is

Bloggað um fréttina

Innlent »

Fáir óttast hryðjuverk á Íslandi

13:24 Einungis tæp 8% Íslendinga á aldrinum 18-75 ára telja að hryðjuverk verði framin á Íslandi en 76-77% telja það ólíklegt. Þetta kemur fram í könnun Maskínu um hryðjuverkaógn á Íslandi en könnunin var framkvæmd áður en hryðjuverkin voru framin í London í síðustu viku. Meira »

Kærðir fyrir brot á hvíldartíma

12:50 Lögreglan á Suðurlandi fór í viðamikið verkefni í upphafi síðustu viku ásamt starfsmönnum ríkisskattstjóra sem fólst í eftirliti með ökumönnum hópferðabifreiða. Hugað var að rekstrarleyfum, aksturs- og hvíldartímum og fleiru. Meira »

Með fötu fulla af landa

12:42 Um klukkan 23:00 í gærkvöldi stöðvuðu lögreglumenn hjá lögreglunni á Suðurlandi ökumann bifreiðar sem átti leið um Þorlákshafnarveg skammt frá Þorlákshöfn. Meira »

Skellti höfði fangans tvisvar í gólfið

12:03 Lögreglumaðurinn, sem ákærður hefur verið fyrir líkamsárás og brot í opinberu starfi sínu, er sakaður um að hafa farið offari og ekki gætt lögmætra aðferða við flutning fanga úr fangageymslu og fyrir dómara. Meira »

Styðja ekki „tilraunir á íbúum“

11:35 „Staðan er sú að þeir virðast ekki hafa staðið við loforð sín um að menga ekki umhverfið og þolinmæði íbúa er brostin og bæjarfulltrúar hafa fengið nóg,“ segir Friðjón Einarsson formaður bæjarráðs Reykjanesbæjar um mengun frá verksmiðju United Silicon. Meira »

Eru 400 krónur gjöf eða gjald?

11:08 Heit umræða skapaðist um helgina á Facebook-síðunni Bakland ferðaþjónustunnar þegar Jóhanna Kristín Hjartardóttir tilkynnti að innheimtar verða 400 krónur hjá ferðafólki sem kemur að Helgafelli á Snæfellsnesi. Landeigendur segja gjaldið nauðsynlegt til að halda úti þjónustu á svæðinu. Meira »

Bylting hjá börnum fyrir íslenskt fé

10:33 Átján deildir Rauða krossins á Íslandi ásamt Tombólusjóði Rauða krossins fjármagna nú fjölskylduhús fyrir munaðarlaus börn í Hargeisa í Sómalíu. Meira »

Sjómenn ósáttir við synjun ASÍ

11:01 Stjórn Sjómanna- og vélstjórafélags Grindavíkur (SVG) mótmælir harðlega að ASÍ synji þeim um styrk úr Vinnudeilusjóði ASÍ, vegna nýafstaðins sjómannaverkfalls. Skoðar félagið nú að leita réttar síns og íhugar úrsögn úr ASÍ vegna málsins. Meira »

Sæla Karitasar fer í útvarpsspilun

10:30 Karitas Harpa Davíðsdóttir, sem vann aðra þáttaröð Voice Ísland, hefur í nægu að snúast þessa dagana. Í dag mun nýja lagið hennar, Sæla, fara í spilun í útvarpi á Íslandi. Salka Sól Eyfeld söngkona og dómari í Voice Ísland syngur í laginu ásamt Karitas. Meira »

Amazon auglýsir eftir íslenskum málfræðingi

10:20 Risafyrirtækið Amazon hefur auglýst eftir íslenskum málfræðingi til starfa. Starfið felst í vinnu við Alexu, stafrænan aðstoðarmann Amazon, og er óskað eftir málfræðingum sem tala íslensku að móðurmáli, hafa góða þekkingu á hljóðfræði og hljóðkerfisfræði og eru vel að sér í forritun. Meira »

Útkall vegna bilaðs reykskynjara

09:56 Slökkvilið og lögregla voru kölluð út í fjölbýlishús í Þórðarsveig í Grafarholtinu í morgun eftir að íbúi í húsinu tilkynnti um að hátt heyrðist í reykskynjara í einni íbúða hússins, þar sem húsráðendur voru fjarverandi. Meira »

Lóan komin til landsins

08:50 Lóan er komin til landsins. Frá þessu var greint á Facebook-síðu Fuglaathugunarstöðvar Suðausturlands nú fyrir stundu. Fjórar heiðlóur sáust á flugi við Einarslund á Höfn í morgun og eru það sagðar fyrstu lóurnar sem fréttist af þetta vorið, sem ekki höfðu vetursetu á landinu. Meira »

Vindrafstöð á hóteli í Fljótshlíð

08:18 Uppsetning á vindrafstöð á bænum Smáratúni í Fljótshlíð er hluti af viðleitni fólks þar til að lækka orkukostnað.  Meira »

WOW hefur flug til Chicago

08:10 Flugfélagið WOW hefur ákveðið að hefja áætlunarflug til Chicago. Icelandair hóf áætlunarflug til borgarinnar í fyrra en þá voru 28 ár frá því að flugfélagið bauð upp á flug til þessarar þriðju stærstu borgar Bandaríkjanna. Meira »

Léttskýjað og hægur vindur víða um land

07:26 Austan kaldi og smáskúrir verða í dag á landinu suðaustanverðu, en annars hægari vindur og léttskýjað.  Meira »

Banna slátrun eftir kjötmjölsát

08:15 Bann hefur verið lagt við markaðssetningu afurða og slátrun til manneldis og flutning gripa frá bænum Eystri-Grund við Stokkseyri eftir að nautgripir á bænum höfðu aðgang að óvörðum og götuðum sekkjum af kjötmjöli sem nota átti sem áburð í flög. Meira »

Tæknin takmarkar jarðstrengi

07:37 Aðeins er unnt að hafa 10 kílómetra af Blöndulínu 3 í jarðstreng, 12 km í Hólasandslínu 3 og 15 km í Kröfulínu 3. Kemur þetta fram í skýrslu um nýja rannsókn sem Landsnet hefur látið gera á hámarkslengdum á jarðstrengjaköflum í meginflutningskerfinu. Meira »

Kaup þýska bankans til „málamynda“

06:44 Aðeins var um „málamyndaþátttöku“ að ræða varðandi kaup þýska bankans Hauck & Aufhäuser í kaupum á 45,8% hlut ríkisins í Búnaðarbankanum árið 2003, að því er fram kemur í Fréttablaðinu í dag. Meira »
Náttföt
...
Flísar og Fúga Flísalagnir
Vandaðar flísalagnir. Föst verðtilboð eða tímavinna þér að kostnaðarlausu. Vöndu...
Listaverk eftir Sigurjón Ólafsson til sölu
til sölu listaverk eftir Sigurjón Ólafsson. Verkið kallast Sundaborg - frumdrög ...
 
Anr17030235 styrkur
Styrkir
Atvinnuvega- og nýsköpunarráðuneytið ...
Aðalfundur
Fundir - mannfagnaðir
Ársfundur Eftirlaunasjóður starfsman...
Onvk-2017-07 hreinsun á inntakslóni
Tilboð - útboð
ONVK-2017-07/ 22.03.2017 Útboð Or...
Félagsstarf
Staður og stund
Aflagrandi 40 Opin vinnustofa kl. 9, mor...