Forseti Íslands Guðni Th. Jóhannesson hefur boðað forystufólk stjórnmálaflokka, sem eiga sæti á Alþingi, til funda á morgun.
Þetta kemur fram í tilkynningu frá forsetaembættinu.
Forseti mun fyrst hitta formann Sjálfstæðisflokksins, Bjarna Benediktsson, kl. 10.00. Fundurinn verður á skrifstofu forseta að Staðastað, Sóleyjargötu 1.
Í kjölfarið fylgja fundir með öðru forystufólki og við það miðað að hver fundur vari um hálfa klukkustund.