Ekki hefur enn verið tekinn ákvörðun um það hvort farið verði fram á gæsluvarðhaldsúrskurð yfir konunni sem handtekinn var í gær, vegna gruns um að hún hefði kveikt í fjölbýlishúsi við Hafnargötuna í Reykjanesbæ í fyrrinótt.
Lögreglan á Suðurnesjum segir skýrslutöku og rannsókn málsins nú í fullum gangi. Konan hafi verið yfirheyrð og aðrir sem tengjast málinu og tekin verði afstaða til þess síðar í dag hvort óskað verði eftir gæsluvarðhaldi.
Íbúar urðu að yfirgefa húsið í miklum flýti þegar eldurinn braust út, en um 30 manns búa í húsinu og er hluti íbúa fjölskyldur úr hópi hælisleitenda sem dvelja í húsinu á vegum Reykjanesbæjar.
Frétt mbl.is: Bíll brann við sama hús í sumar
Rannsókn lögreglu beindist fljótt gegn konunni, sem er á fertugsaldri. Fyrrverandi kærasti konunnar er íbúi í húsinu og er talið að meint íkveikja hennar hafi beinst gegn honum.
Greint var frá því á mbl.is is gær að kviknað hafi í bíl við þetta sama hús síðasta sumar og að þá hafi einnig verið grunur um íkveikju.
Frétt mbl.is: Kona í haldi grunuð um íkveikju
Frétt mbl.is: 4 börn í brunanum í Reykjanesbæ
Frétt mbl.is: 8 á sjúkrahús eftir bruna í Reykjanesbæ